ગેસ લાઈનમાં ભંગાણ સર્જાતાં જ ભારે પ્રેશર સાથે ગેસનો લીકેજ શરૂ થયો હતો, જેના કારણે વિસ્તારમાં અફરાતફરી મચી ગઈ હતી. સ્થાનિક લોકોએ તાત્કાલિક ફાયર બ્રિગેડને જાણ કરી, જે તુરંત જ ઘટનાસ્થળે પહોંચી ગઈ હતી. સાથે જ ગુજરાત ગેસ કંપનીના અધિકારીઓને પણ સૂચિત કરવામાં આવ્યા હતા.
કંપનીના અધિકારીઓએ તાત્કાલિક પગલાં લેતાં ગેસનો પ્રવાહ બંધ કરી દીધો હતો અને તૂટેલી લાઈનનું સમારકામ શરૂ કરી દીધું હતું. આ ઘટનાને કારણે આસપાસના વિસ્તારોમાં થોડા સમય માટે ગેસ સપ્લાય બંધ રાખવો પડ્યો હતો. સમયસર લેવાયેલા પગલાંને કારણે કોઈ જાનહાની થઈ નથી. હાલ તંત્ર દ્વારા આ ઘટના અંગે વિસ્તૃત તપાસ હાથ ધરવામાં આવી છે.
