લૉસ એંજલસનાં જંગલોમાં ફરી દાવાનળ ભભૂકી ઉઠ્યો છે. હજારો લોકોને સુરક્ષિત જગ્યાએ લઈ જવાયા છે. અત્યારે જ્યાં આગ લાગી છે તે સ્થળ શહેરની 45 માઇલ દૂર છે.
આ આગ કાસ્ટિક સરોવર પાસે આવેલા પહાડી વિસ્તારમાં લાગી છે અને તેની આસપાસ ઘણાં રહેણાંક મકાનો તથા સ્કૂલ આવેલાં છે.
આગની જ્વાળાઓએ 8 હજાર એકર જમીન પર કેર વર્તાવ્યો છે. ઝડપી પવન અને સૂકાં ઘાસને કારણે આગ વધારે ફેલાઈ રહી છે.
જોકે, આ આગને કારણે કોઈ ઘરને નુકસાન થયું હોય તેવા સમાચાર નથી. પરંતુ તેને કારણે લગભગ 19 હજાર લોકોને સુરક્ષિત જગ્યાએ લઈ જવાયા છે.
અમેરિકાના કૅલિફોર્નિયામાં ફાયરફાઇટર્સ હજુ ત્યાંનાં જંગલોની આગને બુઝાવવાનો પ્રયત્ન કરી રહ્યા છે. આ આગને એક સપ્તાહ કરતાં વધારે સમય થઈ ગયો છે. જેમાં અનેક મકાનો સ્વાહા થઈ ગયા છે અને 25 લોકોનાં મૃત્યુ થઈ ગયાં છે કેટલાક લાપતા છે.
