શુક્રવારે, કોલકાતા હાઈકોર્ટે જિલ્લા મેજિસ્ટ્રેટ અને પોલીસ અધિક્ષકને 3 એપ્રિલ સુધીમાં હિંસા પર કાર્યવાહી રિપોર્ટ રજૂ કરવા કહ્યું છે. કોર્ટે કહ્યું કે રાજ્યએ સાવધાની સાથે કામ કરવું જોઈએ. ઉપરાંત, હિંસાથી પ્રભાવિત લોકોના રક્ષણ માટે યોગ્ય પગલાં લેવા જોઈએ.
અહેવાલો અનુસાર, 26 માર્ચે આ વિસ્તારમાં મસ્જિદની સામે જુલુસ કાઢવામાં આવ્યા બાદ સાંપ્રદાયિક તણાવ શરૂ થયો હતો. તેના વિરોધમાં, મુસ્લિમ સમુદાયે 27 માર્ચે વિરોધ પ્રદર્શન કર્યું હતું.
પોલીસના જણાવ્યા અનુસાર, હાલમાં પરિસ્થિતિ નિયંત્રણમાં છે. વીડિયો ફૂટેજમાં ઓળખાયેલા લોકોને પોલીસ કસ્ટડીમાં મોકલી દેવામાં આવ્યા છે, જ્યારે બાકીનાને ન્યાયિક કસ્ટડીમાં મોકલી દેવામાં આવ્યા છે.
