આ કૌભાંડમાં 2,350 મેટ્રિક ટન ડીઝલ જપ્ત કરાયું, જેની અંદાજિત કિંમત 14 કરોડ રૂપિયા છે. ધરપકડ બાદ આરોપીને મુંદરા કોર્ટમાં રજૂ કરી જેલમાં મોકલવામાં આવ્યો. આ શખ્સની કંપની દર મહિને 10,000 મેટ્રિક ટનથી વધુ ડીઝલની આયાત કરતી હતી. આ ડીઝલ ફ્લેક્સી બલૂન (ફુગ્ગા)માં ભરીને કન્ટેનરોમાં લાવવામાં આવતું હતું, જેનું હેન્ડલિંગ કરવાની મોટાભાગના CFS (કન્ટેનર ફ્રેઈટ સ્ટેશન) પાસે પરવાનગી નથી. છતાં આવા કન્ટેનરો બેફામ લાવવામાં આવતા હતા.
અગાઉ પણ મુંદરા પોર્ટ પર આવા કન્ટેનરોમાંથી જ્વલનશીલ ઓઈલનો રિસાવ થયો હતો, પરંતુ કસ્ટમ વિભાગે કોઈ કાર્યવાહી કરી ન હતી. વધુમાં, પ્રાગપર નજીક એક અકસ્માતમાં આવા કન્ટેનરમાંથી જ્વલનશીલ ઓઈલ રસ્તા પર ઢોળાયું હતું.
મુંદરા કમિશનરે ફ્લેક્સી બલૂનમાં ઓઈલ ભરીને કન્ટેનરો લાવવા પર પ્રતિબંધ મૂક્યો હોવા છતાં, આવા કન્ટેનરોનું આગમન ચાલુ છે, જે ગંભીર પ્રશ્નો ઉભા કરે છે.
