પ્રદર્શનકારીઓ ઇમ્ફાલ પશ્ચિમ જિલ્લાના સગોલબંદ વિસ્તારમાં બીજેપી ધારાસભ્ય આરકે ઇમોના નિવાસ સ્થાનની સામે એકઠા થયા હતા અને જીરીબામમાં લોકોનાં મોતને મુદ્દે સરકાર તરફથી યોગ્ય પ્રતિક્રિયાની માંગણી કરતા સૂત્રોચ્ચાર કર્યા હતા. આરકે ઈમો રાજ્યનાં મુખ્ય પ્રધાન એન બિરેન સિંહના જમાઈ પણ છે. પ્રદર્શનકારીઓએ અધિકારીઓને 24 કલાકની અંદર ત્રણ લોકોની હત્યાના ગુનેગારોની ધરપકડ કરવાની માંગ કરી છે.
એક વરિષ્ઠ અધિકારીએ જણાવ્યું હતું કે, કીશમથોંગ મતવિસ્તારના અપક્ષ ધારાસભ્ય સપમ નિશિકાંત સિંહના તિદ્દિમ રોડ પરના તેમના નિવાસસ્થાને મળવા આવેલા પ્રદર્શનકારીએ તેમની માલિકીનાં સ્થાનિક અખબારનાં કાર્યાલયને નિશાન બનાવવામાં આવ્યું થતું. શુક્રવારે રાત્રે મણિપુર-આસામ સરહદ પર જીરી અને બરાક નદીઓના સંગમ નજીકથી ત્રણ મૃતદેહો મળી આવ્યા હતા, જે જીરીબામ જિલ્લામાંથી ગુમ થયેલા છ લોકોના હોવાની શંકા છે.
