દેશમાં લગભગ 22% અલ્ટ્રા રિચ લોકો વિદેશમાં વસવાટની ઈચ્છા રાખે છે. તેનું કારણ અહીંનું સારું જીવન સ્તર, ભારતની તુલનામા વધારે સુવિધાઓ અને કારોબાર કરવાની સરળ પ્રક્રિયા જણાવવામાં આવી રહ્યું છે. એક સર્વેમાં મળી આવ્યું કે, અમેરિકા બ્રિટેન, ઓસ્ટ્રેલિયા, કેનેડા અને સંયુક્ત અરબ અમીરાત અમીર ભારતીયોનું પસંદીદા સ્થાન છે. ખાસ કરીને UAEના ગોલ્ડન વીઝા યોજનાના કારણે અહીં સ્થાયી થવાની ઈચ્છા વધારે જોવા મળી છે. આ સર્વે દેશની મુખ્ય સંપત્તિ સંચાલન કંપની કોટક પ્રાઈવેટે પરામ્શ EY સાથે મળીને કર્યો છે.
વિદેશ મંત્રાલયના આંકડાઓ પ્રમાણે, દર વર્ષે લગભગ 25 લાખ ભારતીયો વિદેશોમાં સ્થાયી થવા માટે દેશ છોડી દે છે. સર્વે પ્રમાણે, દર 5માંથી એક વધારે ધનાઢ્ય વ્યક્તિ કાં તો વિદેશ જવાની પ્રક્રિયામાં છે અથવા વહેલી તકે આવું કરવાની યોજના બનાવી રહ્યો છે. જો કે, આમાંથી મોટાભાગના લોકો ભારતીય નાગરિકતા જાળવી રાખીને તેમના પસંદીદા દેશમાં સ્થાયી રૂપથી નિવાસ કરવા માંગે છે.
પ્રવાસના મુખ્ય કારણો- વધારે અમીર કો વિદેશમાં નિવાસ પાછળ ઘણા કારણો જણાવે છે. તેઓ તેમનું જીવન સ્તર, સ્વાસ્થ્ય સેવાઓ, શિક્ષા અને જીવનશેલીને સારી બનાવવા માંગે છે. લગભગ 2/3 લોકોએ તેમના વ્યવસાયને વધવાની સુગમતાને પણ મોટું કારણ જણાવ્યું છે. ઘણા લોકોનું માનવું છે કે, વિદેશમાં વસવું તેમના ભવિષ્ય માટે એક સારું રોકાણ છે. તેમના બાળકોને શ્રેષ્ઠ ઉચ્ચ શિક્ષણ આપવાની ઈચ્છા તેમને આ પગલું ભરવા પ્રેરે છે.
મૂડી બહાર જવાની ચિંતા નહીં- જો કે, કોટક મહિન્દ્રા બેંકના અધ્યક્ષ ગૌતમ ગાવનકરે કહ્યું કે, આ નિર્ણયને દેશની મૂડી બહાર જવાના રૂપમાં ન જોવો જોઈએ. તેમણે જણાવ્યું કે, ભારતીય સરકારે તેના પર કડક નિયમો બનાવ્યા છે. જેના અનુસાર, ભારતમાં રહેનારો કોઈ પણ ભારતીય નાગરિક દર વર્ષે મહત્તમ 2,50,000 અમેરિકી ડોલર (2 કરોડ રૂપિયા) જ વિદેશ મોકલાવી શકે છે. તે જ સમયે, એક વિદેશીને 1 મિલિયન યુએસ ડોલર સુધી મોકલવાની મંજૂરી છે. આવા નિયમો એ સુનિશ્ચિત કરે છે કે જો કોઈ વ્યક્તિ વિદેશમાં સ્થાયી થાય તો પણ તેની સંપૂર્ણ મૂડી દેશ છોડી શકશે નહીં.
