સ્થાનિક માછીમારોના જણાવ્યા મુજબ, આ માલવાહક બાર્જનો ઉપયોગ દરિયાના પેટાળમાંથી રેતી કાઢવા માટે થાય છે. વળી, મોટી વસ્તુઓને એક સ્થળેથી બીજે સ્થળે ખસેડવા માટે બોટની પાછળ બાંધીને પણ તેનો ઉપયોગ કરવામાં આવે છે. આ બાર્જને થાપડું અથવા પોન્ટૂન તરીકે પણ ઓળખવામાં આવે છે.
દેશ સુરક્ષિત હાથો મા છે તેવા દાવા પોકળ ?
બાર્જ પર 'રુદ્ર-1' નંબર અને 'મુંબઈ' લખેલું છે. આટલી મોટી વસ્તુ દરિયામાં બિનવારસી હાલતમાં તરતી મળી આવતા દેશની સુરક્ષા વ્યવસ્થા સામે પ્રશ્નો ઉભા થયા છે. કોસ્ટગાર્ડ અને પોલીસની ટીમ ઘટનાસ્થળે પહોંચી ગઈ છે અને તપાસ શરૂ કરી છે.
પ્રાથમિક તપાસમાં બાર્જમાંથી કોઈ શંકાસ્પદ વસ્તુ મળી આવી નથી. હાલ આ બાર્જ દરિયાના મોજામાં તણાઈને નિકોલના દરિયા કિનારે આવી પહોંચ્યું હોવાનું માનવામાં આવી રહ્યું છે.
