એક જાગૃત નાગરિકની ફરિયાદના આધારે ACBએ મહુવા પોલીસ સ્ટેશનમાં સફળ ટ્રેપ ગોઠવી હતી. આ ટ્રેપમાં હોમગાર્ડ ભદ્રસિંહ ભૂપતસિંહ રાઠોડ પોલીસ સ્ટેશનની બાજુમાં આવેલ ફર્નિચરની દુકાને રૂ. ૨૫,૦૦૦ની લાંચ લેતા રંગેહાથ ઝડપાયો હતો. જ્યારે મહુવા પોલીસ સ્ટેશનના ASI અશોકભાઈ રામભાઈ ડેર ફરાર થઈ ગયા છે. આ કેસમાં બે વચેટીયા આરીફ નિસારભાઈ જમાણી અને યોગેશભાઈ વલ્લભભાઈ ગાંધીની પણ ધરપકડ કરવામાં આવી છે. ફરિયાદીએ HDFCમાં લોન લીધી હતી. જેની નોટિસ આવતા ASIએ ફરિયાદીને ડરાવી લાંચની માંગણી કરી હતી.
