અમદાવાદ-સુરતમાં મહિલાઓની સલામતી પર સંકટ છેલ્લા છ મહિનામાં અમદાવાદ શહેર અને જિલ્લામાં બળાત્કારના 208 અને છેડતીના 108 કેસ નોંધાયા છે, જ્યારે સુરત શહેર અને જિલ્લામાં બળાત્કારના 221 અને છેડતીના 92 કેસો નોંધાયા છે. આ આંકડાઓ બંને શહેરોમાં મહિલાઓની અસલામતીનું ગંભીર ચિત્ર રજૂ કરે છે. સરકાર દ્વારા ગુનેગારો સામે કડક કાર્યવાહીના દાવા કરવામાં આવે છે, પરંતુ હજુ પણ 40 આરોપીઓ ફરાર છે, જેમને પોલીસ હજુ પકડી શકી નથી. આ સ્થિતિ રાજ્યની કાયદો અને વ્યવસ્થાની ગંભીર પરિસ્થિતિ દર્શાવે છે.
ગૃહ વિભાગની નિષ્ફળતા અમદાવાદ અને સુરત જેવા મહાનગરોમાં ગુનાખોરીના વધતા આંકડાઓએ ગૃહ વિભાગની કામગીરી પર સવાલો ઉભા કર્યા છે. ખાસ કરીને બળાત્કાર અને છેડતીના કેસોમાં વધારો મહિલાઓની સલામતી માટે ચિંતાનો વિષય બન્યો છે. રાજ્ય સરકારે ગુનાખોરીને નાથવા માટે કડક પગલાં લેવાની જરૂર છે, જેથી મહિલાઓ અને નાગરિકો સુરક્ષિત અનુભવે.
