હંગેરીમાં ક્રૂડ ઓઈલનો ભંડાર મળ્યો, રશિયાને ઝટકો!
ઉત્તરી ગલગાહેવિઝ શહેર નજીક 2,400 મીટરની ઊંડાઈએ અબજો રૂપિયાનો ક્રૂડ ઓઈલ ભંડાર મળી આવ્યો છે, જે દરરોજ 1,000 બેરલ તેલનું ઉત્પાદન કરશે. હંગેરીની કંપની MOL અને O&GDએ આ શોધ કરી, જે દેશની ઊર્જા સુરક્ષાને મજબૂત કરશે અને વિદેશી આયાત ઘટાડશે. રશિયા-યુક્રેન યુદ્ધ બાદ યુરોપે રશિયાના તેલ અને ગેસની આયાત ઘટાડી છે. આ શોધ યુરોપ માટે મહત્ત્વની છે, કારણ કે તે રશિયા પરની નિર્ભરતા ઘટાડશે. MOLના મેનેજિંગ ડિરેક્ટર જર્જી બાક્સાએ જણાવ્યું, "આ ભંડાર આંતરિક ઉત્પાદન વધારશે અને પુરવઠાની અનિશ્ચિતતા ઘટાડશે." હંગેરીના વિદેશ મંત્રી પીટર સિજાર્ટોએ ચેતવણી આપી કે યુક્રેન દ્વારા ડ્રુઝ્બા પાઈપલાઈન પર હુમલા હંગેરીની ઊર્જા સુરક્ષા માટે જોખમી છે. આ પાઈપલાઈન રશિયાથી તેલ સપ્લાય કરે છે, પરંતુ નવો ભંડાર હંગેરીને આત્મનિર્ભર બનાવશે. આ શોધ રશિયાના ઊર્જા બજારને ઝટકો આપશે અને હંગેરીને આર્થિક રીતે મજબૂત કરશે.
