ગુજરાતમાં રાજકીય મંચ પર નવા ચહેરાઓના આગમનના સંકેત મળી રહ્યા છે. વડા પ્રધાન નરેન્દ્ર મોદી અને કેન્દ્રીય ગૃહ પ્રધાન અમિત શાહની તાજેતરની ગુજરાત મુલાકાતો પછી અટકળો વધી છે કે દિવાળી પહેલાં ભાજપમાં મોટા ફેરફારો થશે. સૂત્રો અનુસાર, આવતીકાલે મુખ્યમંત્રી ભૂપેન્દ્ર પટેલ અને પ્રદેશ અધ્યક્ષ સી.આર. પાટીલ સવારે 10.15 વાગ્યે કમલમમાં સંયુક્ત પત્રકાર પરિષદ યોજશે, જેમાં નવા પ્રદેશ પ્રમુખની જાહેરાત કે મંત્રીમંડળ વિસ્તરણ જેવી મહત્વની ઘોષણા થઈ શકે છે.
નવા પ્રદેશ પ્રમુખની જાહેરાત અને મંત્રીમંડળમાં ફેરફારની શક્યતા 2022માં મુખ્યમંત્રી ભૂપેન્દ્ર પટેલની શપથગ્રહણ પછી મંત્રીમંડળમાં કોઈ ફેરફાર થયો નથી. જોકે, પાર્ટીના આંતરિક વર્તુળોમાંથી મળતી માહિતી અનુસાર, કેટલાક પ્રધાનો પોતાની જવાબદારીઓમાં અપેક્ષિત પરિણામો આપી શક્યા નથી, જેના કારણે તેમને કેબિનેટમાંથી હટાવવાની ચર્ચા ચાલી રહી છે. સૂત્રોનું કહેવું છે કે આવતીકાલની પ્રેસ કોન્ફરન્સમાં નવા પ્રદેશ પ્રમુખનું નામ જાહેર થાય તો આશ્ચર્ય નહીં, અને તેની સાથે જ મંત્રીમંડળ વિસ્તરણ પણ થઈ શકે છે. આ ફેરફારોમાં યુવા અને નવા ચહેરાઓને મહત્વનું સ્થાન આપવામાં આવે તેવી શક્યતાઓ પ્રબળ છે. પાર્ટીના 12 જેટલા વર્તમાન પ્રધાનોનું પત્ર કપાઈ શકે છે, જેમાં કાર્યક્ષમતા અને પાર્ટીની વ્યૂહરચનાને ધ્યાનમાં રાખીને નિર્ણય લેવામાં આવશે.
ભાજપની વ્યૂહરચના: યુવા નેતૃત્વ અને કાર્યક્ષમતા પર ભાર ભારતીય જનતા પાર્ટી (ભાજપ) ગુજરાતમાં પ્રદેશ અધ્યક્ષ તરીકે કોણને પસંદ કરશે તે અંગે પણ અટકળો ચાલી રહી છે. વર્તમાન અધ્યક્ષ સી.આર. પાટીલ કેન્દ્રીય કાર્યમંત્રી તરીકે સક્રિય છે, જેના કારણે પાર્ટીમાં નવા નેતૃત્વની જરૂરિયાત વધી છે. સૂત્રો કહે છે કે આ ફેરફારો દિવાળી પહેલાં પૂર્ણ થઈ જશે, જે પાર્ટીની આંતરિક ગતિને મજબૂત કરશે અને આગામી ચૂંટણીઓમાં ફાયદો આપશે. મુખ્યમંત્રી ભૂપેન્દ્ર પટેલ અને પ્રદેશ અધ્યક્ષ સી.આર. પાટીલની આ સંયુક્ત પ્રેસ કોન્ફરન્સ પાર્ટીના કાર્યકર્તાઓ માટે મહત્વની સાબિત થઈ શકે છે, કારણ કે તેમાં માત્ર જાહેરાતો જ નહીં, પણ રાજ્યની વિકાસ યોજનાઓ અને પાર્ટીની વ્યૂહરચના પર પણ પ્રકાશ પડશે. રાજકીય વિશ્લેષકો માને છે કે આ ફેરફારો ભાજપને વધુ ગતિશીલ બનાવશે અને વિરોધ પક્ષોને જવાબ આપવાની તક આપશે.
