આ યાત્રીઓ બનાસકાંઠા જિલ્લાના કાંકરેજ અને દિયોદર તાલુકાના રહેવાસી હતા. તેઓ જૂથમાં પગપાળા યાત્રા કરીને પવિત્ર દ્વારકાધીશ મંદિરના દર્શન માટે જઈ રહ્યા હતા. ભક્તિ અને ઉત્સાહથી ભરેલી આ યાત્રા અચાનક શોકમાં ફેરવાઈ ગઈ. ભગવાન દ્વારકાધીશનું ભવ્ય મંદિર, જ્યાં લાખો ભક્તો દર્શન માટે આવે છે
ઘટના બાદ પોલીસ તુરંત ઘટનાસ્થળે પહોંચી હતી. મૃતકોના શરીરોને પોસ્ટમોર્ટમ માટે મોકલવામાં આવ્યા છે. ગંભીર ઈજાગ્રસ્ત યાત્રીને મોરબીની હોસ્પિટલમાં સારવાર અર્થે ખસેડાયો છે. મૃતકોમાં બે યુવાનો અને બે મધ્યમ વયના વ્યક્તિઓનો સમાવેશ થાય છે. અકસ્માત કરનાર ડમ્પર ચાલક ફરાર છે.
પોલીસે તેની શોધખોળ શરૂ કરી દીધી છે અને સીસીટીવી ફૂટેજની મદદથી તપાસ આગળ વધારી રહી છે.
ગુજરાતમાં પગપાળા યાત્રાઓની પરંપરા ખૂબ જૂની અને લોકપ્રિય છે ભક્તોની પગપાળા યાત્રા દરમિયાનનું દૃશ્ય યાત્રીઓનો ઉત્સાહ અને ભક્તિ આ ઘટનાએ હાઇવે પર વાહનચાલકોની બેદરકારી અને પદયાત્રીઓની સલામતી પર ગંભીર પ્રશ્નો ઉભા કર્યા છે. હાઇવે પરથી પસાર થતી યાત્રાઓ માટે વિશેષ સુરક્ષા વ્યવસ્થાની જરૂર છે.
આ દુખદ ઘટનાથી પરિવારોમાં શોક છવાઈ ગયો છે. ભક્તોની આસ્થા પર આવા અકસ્માતો પાણી ફેરવે છે, તેથી સુરક્ષાના પગલાં વધારવા જરૂરી છે.
સજ્જાદ અલી નાયાણી ✍
