શું હતી સમગ્ર ઘટના? AMCએ સહાયક સ્ટેશન ઓફિસરની જગ્યાઓ માટે ભરતી બહાર પાડી હતી. કુલ 144 અરજીઓ આવી, જેમાંથી 120 ઉમેદવારો ફિઝિકલ ટેસ્ટમાં હાજર થયા. 62 પાસ થયા, ડોક્યુમેન્ટ વેરિફિકેશન પછી 32ને મૌખિક ઈન્ટરવ્યૂ માટે બોલાવવામાં આવ્યા. પરંતુ લેખિત પરીક્ષા વગર સીધી ઈન્ટરવ્યૂની પ્રક્રિયા જોઈને કોંગ્રેસે ચોંકાવનારો આક્ષેપ કર્યો કે,
“ક્લાસ-3ની ભરતીમાં પણ લેખિત પરીક્ષા ફરજિયાત હોય છે, તો આમાં શા માટે નહીં?
આ તો ખુલ્લું કૌભાંડ છે!” વિરોધ એટલો તીવ્ર થયો કે સ્ટેન્ડિંગ કમિટીના ચેરમેન દેવાંગ દાણીએ સ્પષ્ટ જાહેરાત કરી:
“સરકારી નિયમો પ્રમાણે ભરતી થશે. લેખિત પરીક્ષા વગર થશે તો આખી પ્રક્રિયા રદ કરી દેવામાં આવશે.”
અંતે AMCએ હાર માની લીધી અને સહાયક સ્ટેશન ઓફિસરના ઈન્ટરવ્યૂ રદ કરીને લેખિત પરીક્ષા લેવાનો નિર્ણય લીધો. હવે શું થશે?
- લેખિત પરીક્ષાની તારીખ ટૂંક સમયમાં જાહેર થશે
- ફરી એકવાર ફિઝિકલ ટેસ્ટ પછી લેખિત પરીક્ષા લેવાશે
- માત્ર ગુણવત્તા અને પારદર્શિતાના આધારે ભરતી થશે
કોંગ્રેસના નેતાઓએ આને “યુવાનોની જીત” ગણાવી છે, જ્યારે AMCના અધિકારીઓએ માન્યું કે નિયમોનું પાલન કરવું જરૂરી છે. આ ઘટનાએ ફરી એકવાર સાબિત કરી દીધું કે જ્યાં યુવાનોની નોકરીની વાત હોય, ત્યાં પારદર્શિતા સામે કોઈ નહીં ટકી શકે!
સજ્જાદ અલી નાયાણી ✍️
