આ ભાઈને તો જુઓ ને – ઇથોપિયામાં ઝાડ વાવે ત્યારે સેલ્ફી લઈને ટ્વીટ કરે: "ગ્રીન રેવોલ્યુશન!" પણ અરાવલીમાં ખાણકામના બુલડોઝર ચાલે ત્યારે ટ્વીટ કરે: "ગ્રે રેવોલ્યુશન... એટલે કે ગ્રેનાઇટ રેવોલ્યુશન!" અરે ભાઈ, ત્યાં તો પહાડો પોતાની જાતને કહે છે, "અમે તો વિશ્વના સૌથી જૂના પર્વતો છીએ, પણ આ ભાઈની નજરમાં અમે ફક્ત ATM મશીન છીએ – ખોદો અને પૈસા નીકળે!"
હમણાં જ સુપ્રીમ કોર્ટે નવી વ્યાખ્યા આપી: અરાવલીના પહાડો હવે ફક્ત 100 મીટરથી ઊંચા જ ગણાશે. બાકીના 90% તો હવે "ટેકરીયા" બની ગયા! ભાઈ તો ખુશ થઈને નાચવા લાગ્યા – "વાહ! હવે તો ખાણકામની પાર્ટી શરૂ!" ઇથોપિયામાં તો એક ઝાડ વાવવા માટે લાખો લોકો ભેગા કરે, અહીં અરાવલીમાં લાખો ઝાડ કાપવા માટે એક જ લાઇસન્સ પૂરતું છે. ભાઈનું લોજિક છે: "ઇથોપિયામાં ઝાડ વાવીને નોબેલ પ્રાઇઝ મળે, અરાવલીમાં પહાડ ખોદીને નોટોનું બંડલ મળે!"
અરાવલીના પહાડો તો હવે ભાઈને મેસેજ મોકલે છે: "ભાઈસાહેબ, ઇથોપિયાની ટિકિટ કેન્સલ કરો અને અમારી પાસે આવો! અમને તો ઝાડ વાવવાની જરૂર નથી, ફક્ત તમારા મિત્રોના બુલડોઝર રોકો!" પણ ભાઈ કહે, "ના રે, વિદેશમાં ગ્રીન ઇમેજ બનાવીએ, અહીં તો ગ્રીન કવરને ગ્રે કવર બનાવીએ!" એક દિવસ થરનું રણ રાજસ્થાનથી ગુજરાત સુધી આવશે ત્યારે ભાઈ કહેશે, "ચિંતા નહીં, ઇથોપિયામાં વધુ ઝાડ વાવીશું... અને તમને એરકન્ડિશન્ડ રણ આપીશું!"
આખરે તો આપણે જ કહીએ: ભાઈ, ઇથોપિયામાં ઝાડ વાવવા સારું છે, પણ અરાવલીમાં મૌન તોડો! નહીં તો એક દિવસ પહાડો પણ ઇથોપિયા ભાગી જશે અને કહેશે, "અહીં તો ઓછામાં ઓછું ઝાડ વાવે છે, તમારા ભાઈ તો અમને જ ખોદી નાખે છે!" હા હા હા... આ તો હાસ્ય નહીં, કરુણ હાસ્યનું મહાકાવ્ય છે!
સજ્જાદ અલી નાયાણી ✍🏼
