Friday World January 3,2026
કેનેડાની ઇમિગ્રેશન વ્યવસ્થામાં આવી રહેલા મોટા ભારતીય પ્રવાસીઓ, વિદ્યાર્થીઓ અને અસ્થાયી વર્કર્સમાં ભારે ચિંતા ફેલાવી દીધી છે. સરકાર દ્વારા રજૂ કરાયેલા બિલ C-12 (Strengthening Canada’s Immigration System and Borders Act) હેઠળ ઇમિગ્રેશન અધિકારીઓને નવી અને વ્યાપક સત્તા આપવામાં આવી રહી છે. આ બિલ અનુસાર, કામચલાઉ વિઝા (જેમ કે વિઝિટર વિઝા, સ્ટડી પરમિટ અને વર્ક પરમિટ) ધરાવતા વ્યક્તિઓને ગમે ત્યારે મોટા પાયે કેન્સલ કરી શકાય અથવા તેમના પર દેશનિકાલનો આદેશ લાગુ કરી શકાય.
આ બિલનો મુખ્ય ઉદ્દેશ ફ્રોડ (ખોટા દસ્તાવેજો અને ખોટી માહિતી) ને રોકવાનો છે, જેમાં ખાસ કરીને ભારત અને બાંગ્લાદેશ. માંથી આવતા અરજદારોને "કન્ટ્રી-સ્પેસિફિક ચેલેન્જ" તરીકે ઓળખવામાં આવ્યા છે. કેનેડાની ઇમિગ્રેશન, રિફ્યુજી એન્ડ સિટિઝનશિપ ડિપાર્ટમેન્ટ (IRCC), કેનેડા બોર્ડર સર્વિસીસ એજન્સી (CBSA) અને અમેરિકન અધિકારીઓ સાથે મળીને એક વર્કિંગ ગ્રુપ બનાવવામાં આવ્યું છે, જે ફ્રોડવાળા વિઝા ઓળખીને તેમને મોટા પાયે કેન્સલ કરી શકે.
આ બિલ હાલમાં હાઉસ ઓફ કોમન્સમાંથી પસાર થઈ ગયું છે અને સેનેટમાં વિચારણા હેઠળ છે. ફેબ્રુઆરી 2026માં સેનેટની બેઠક ફરી શરૂ થતાં તેને અંતિમ મંજૂરી મળી શકે છે. જો આ બિલ કાયદો બની જાય તો, ઇમિગ્રેશન મિનિસ્ટરને વિશેષ પરિસ્થિતિઓમાં (જેમ કે ફ્રોડ, રાષ્ટ્રીય સુરક્ષા અથવા જાહેર આરોગ્ય કટોકટી) આખા ગ્રુપના વિઝા એકસાથે રદ કરવાની સત્તા મળશે.
ભારતીય વિદ્યાર્થીઓ પર સૌથી વધુ અસર આ બિલની સાથે જ કેનેડાએ ભારતીય વિદ્યાર્થીઓની સ્ટડી પરમિટ અરજીઓ પર કડકાઈ વધારી છે. ઑગસ્ટ 2025માં ભારતીય અરજદારોની 74% અરજીઓ નકારી કાઢવામાં આવી, જે 2023ના 32%ની તુલનામાં બમણીથી વધુ છે.
ઑગસ્ટ 2023માં લગભગ 21,000 અરજીઓ આવી હતી, જ્યારે 2025માં આ સંખ્યા ઘટીને માત્ર 4,500 જ રહી ગઈ છે. આનું કારણ ફ્રોડના કેસમાં વધારો અને વધુ કડક ચેકિંગ છે.
કેનેડાએ 2023માં 1,550થી વધુ ફેક એક્સેપ્ટન્સ લેટર્સ શોધી કાઢ્યા હતા, અને 2024માં આ સંખ્યા 14,000ને વટાવી ગઈ. આ કારણે સ્ટુડન્ટ વિઝા પર વધુ સખ્તાઈ આવી છે.
ભારત-કેનેડા સંબંધોમાં ચાલુ તણાવ જસ્ટિન ટ્રુડોના કાર્યકાળ દરમિયાન 2023થી બંને દેશો વચ્ચે તણાવ વધ્યો છે. ખાલિસ્તાની નેતા હરદીપ સિંહ નિજ્જરની હત્યા સંબંધિત આરોપોએ બંને દેશો વચ્ચે ડિપ્લોમેટિક સંબંધોને ઠંડા કર્યા છે. આ તણાવને કારણે વિઝા નિયમોને કડક બનાવવાને ભારત વિરુદ્ધનું પગલું માનવામાં આવી રહ્યું છે.
2025-2026માં કેનેડાએ ઇમિગ્રેશન લેવલ્સ પ્લાનમાં પણ ઘટાડો કર્યો છે – પર્મનેન્ટ રેસિડન્ટ્સની સંખ્યા 395,000 (2025) અને 380,000 (2026) પર નિશ્ચિત કરી છે, જ્યારે અગાઉ 500,000નું ટાર્ગેટ હતું. ટેમ્પરરી રેસિડન્ટ્સ (સ્ટુડન્ટ્સ અને વર્કર્સ) પણ ઘટાડવાના છે.
લાખો ભારતીયોમાં ચિંતા આ બિલને કારણે લાખો ભારતીયો ટેન્શનમાં છે, કારણ કે તેમના વિઝા અચાનક રદ થઈ શકે અને દેશ છોડવો પડે. માઇગ્રન્ટ રાઇટ્સ નેટવર્ક જેવા સંગઠનોએ આને "માસ ડિપોર્ટેશન મશીન" કહ્યું છે. ઘણા લોકો માને છે કે આ પગલું બેકલોગ ઘટાડવા માટે પણ છે.
આવા સમયે ભારતીયોને સલાહ છે કે તેઓ પોતાના દસ્તાવેજો અને સ્ટેટસને વધુ કાળજીપૂર્વક તપાસે, અને જરૂરી હોય તો ઇમિગ્રેશન એક્સપર્ટની મદદ લે. કેનેડા હજુ પણ તકો આપે છે, પરંતુ નિયમો વધુ કડક થઈ રહ્યા છે.
આ બધું બતાવે છે કે કેનેડાની ઇમિગ્રેશન પોલિસી હવે "કેનેડિયન્સ ફર્સ્ટ" તરફ વધુ ઝુકાવ ધરાવે છે. ભારતીય સમુદાય માટે આ એક મોટો પડકાર છે!
Friday World January 3,2026
Sajjadali Nayani ✍
