એક સમય ના પ્રધાન મંત્રી પદ ના મજબૂત દાવેદાર નીતિશ કુમાર CM પદ ની પણ અનિશ્ચિતતા: BJPના કાદવમાં ફસાયા, નીતિશ ગેહલોતના તીખા પ્રહારપટણા 29 ઓક્ટોબર 2025 બિહાર વિધાનસભા ચૂંટણી 2025ની ગરમાવટ વચ્ચે કોંગ્રેસ પ્રભારી અને વરિષ્ઠ નેતા અશોક ગેહલોતે મુખ્યમંત્રી નીતિશ કુમાર પર આકરા પ્રહાર કર્યા છે. "એક સમયે વડાપ્રધાન પદના મજબૂત દાવેદાર નીતિશ કુમાર હવે મુખ્યમંત્રી બનશે કે નહીં, તે પણ નક્કી નથી. BJP તેમને CM ઉમેદવાર જાહેર કરવા તૈયાર નથી," ગેહલોતે જનસભામાં કહ્યું. ગેહલોતે નીતિશની રાજકીય કારકિર્દી પર કટાક્ષ કરતાં કહ્યું, "નીતિશે વારંવાર પક્ષો અને ગઠબંધન બદલીને પોતાની છબીને નુકસાન પહોંચાડ્યું છે. આજે તેઓ NDAમાં એવી પરિસ્થિતિમાં ફસાયા છે કે, સરકાર બનશે તો પણ CM પદ તેમના હાથમાં રહેશે કે નહીં, તે અનિશ્ચિત છે."
તેમણે મહારાષ્ટ્રના ઉદાહરણ આપીને ચેતવણી આપી: "BJPએ એકનાથ શિંદેને વાપરીને પછી ધોખો આપ્યો, નીતિશને પણ વોટ મેળવ્યા પછી બાયપાસ કરી શકે છે." મહાગઠબંધન (INDIA બ્લોક)એ તેજસ્વી યાદવને CM પ્રાર્થી જાહેર કરીને એકતા દર્શાવી છે, જ્યારે NDAમાં હજુ CM ફેસ જાહેર થયો નથી. ગેહલોતે કહ્યું, "તેજસ્વી યુવા અને ઊર્જાશીલ છે, જ્યારે નીતિશની ગઠબંધન-વ્યસનથી તેમની વિશ્વસનીયતા ખતમ થઈ ગઈ છે." ચૂંટણી 6 નવેમ્બર (63 સીટો) અને 11 નવેમ્બર (180 સીટો)માં યોજાશે, પરિણામ 14 નવેમ્બરે. NDAમાં BJP 101, JDU 101 સીટો પર લડશે. ગેહલોતના પ્રહારોથી NDAની આંતરિક કડકડી બહાર આવી છે, જે ચૂંટણીમાં મુખ્ય મુદ્દો બની રહેશે.
સંપાદક: @NayaniSajjadali
