એક જાહેર સભામાં બોલતાં તેમણે કહ્યું, “આ દારૂબંધીવાળા ગુજરાતમાં ખેડૂતને યુરિયા-ડીએપી ખાતર મળતું નથી, પણ દારૂની હોમ ડિલિવરી ચાલુ છે! એક ફોન કરો ને ઘરે દારૂ પહોંચી જાય છે. ખેડૂતો રડે છે, લાઈનો લાગે છે, પણ ખાતર નથી મળતું. આ કેવી દારૂબંધી છે?”
ગેનીબેનનો સીધો આક્ષેપ છે કે ગુજરાતમાં દારૂબંધીનું નામ ફક્ત કાગળ પર છે. ઓનલાઈન એપ, વૉટ્સએપ ગ્રુપ અને હોમ ડિલિવરી દ્વારા દારૂનો ધંધો ખુલ્લેઆમ ચાલે છે, પણ સરકાર આંખ આડા કાન કરીને બેઠી છે. “જે ગુજરાત મહાત્મા ગાંધીનું છે, તેમાં આજે દારૂની ઘરબેઠાં સેવા ચાલે છે. શરમજનક છે!” તેમણે કહ્યું.
ખેડૂતોની વેદના પર પણ ગેનીબેને સરકારને ઘેરી: “ખેડૂત રાતભર લાઈનમાં ઊભો રહે તો પણ ખાતર નથી મળતું. બ્લેકમાં બમણા ભાવે ખરીદવું પડે છે. પણ દારૂની એક કોલ પર ડિલિવરી! આ કેવી ખેડૂત હિતૈષી સરકાર છે?”
ગેનીબેનનો આ વીડિયો સોશિયલ મીડિયામાં વાયરલ થઈ રહ્યો છે અને લોકો તેમની સીધી-સાદી પણ તીખી વાતને સલામ કરી રહ્યા છે. ગુજરાતની દારૂબંધી અને ખેડૂતોની મુશ્કેલીઓ પર ફરી એકવાર મોટો સવાલ ઊભો થયો છે.
✒️સજ્જાદ અલી નાયાણી
