મળતી માહિતી અનુસાર, શીલ પોલીસ સ્ટેશનને ગુપ્ત બાતમી મળી હતી કે આ બસમાં મોટા પ્રમાણમાં દારૂની હેરાફેરી કરવામાં આવી રહી છે. બાતમીના આધારે પોલીસે તુરંત ચેકિંગ હાથ ધર્યું. બસની તલાશી લેતાં એક બેગમાંથી 122 બોટલો મળી આવી, જેની કિંમત લાખો રૂપિયામાં હોવાનો અંદાજ છે.
પોલીસે બસના ડ્રાઈવર અને કંડક્ટરની પૂછપરછ કરી હતી. જોકે, આ બેગ કોની છે અને તેને કોણે બસમાં મૂકી તે અંગે હજુ સુધી કોઈ માહિતી મળી નથી. પોલીસે વધુ તપાસ શરૂ કરી દીધી છે અને આ મામલે આરોપીઓની શોધખોળ ચાલુ છે.
ગુજરાતમાં દારૂબંધી હોવા છતાં આવી ઘટનાઓ સામે આવવી ચિંતાજનક છે. પોલીસની આ કાર્યવાહીથી બુટલેગર્સને મોટો ફટકો પડ્યો છે, અને તેમના નેટવર્કને તોડવા માટે વધુ સતર્કતા જરૂરી છે.
સજ્જાદ અલી નાયાણી ✍
