હુમાયુ કબીરે કહ્યું કે, "મારી પાર્ટી માત્ર સામાન્ય લોકોના વિકાસ માટે કામ કરશે. અમે ધાર્મિક વિવાદો કરતાં વિકાસની વાત કરીશું." તેમણે પાર્ટીના ચૂંટણી ચિહ્ન માટે પહેલી પસંદગી 'ટેબલ' અને બીજી 'ટ્વિન રોઝિઝ' જણાવી. નોંધનીય છે કે 2016માં અપક્ષ તરીકે ચૂંટણી લડતી વખતે તેમને 'ટેબલ' ચિહ્ન મળ્યું હતું.
2026ની વિધાનસભા ચૂંટણીમાં મોટું દાવો આગામી 2026ની પશ્ચિમ બંગાળ વિધાનસભા ચૂંટણીને ધ્યાનમાં રાખીને હુમાયુ કબીરે મોટા દાવા કર્યા છે. તેમણે જણાવ્યું કે જો જરૂર પડી તો તેમની પાર્ટી તમામ 294 બેઠકો પર ઉમેદવારો ઉતારશે. "અમે ઓછામાં ઓછી 90-135 બેઠકો પર લડીશું અને સરકાર બનાવવામાં કિંગમેકરની ભૂમિકા ભજવીશું. કોઈ પણ પાર્ટીને બહુમતી નહીં મળે, અને મારા સમર્થન વિના સરકાર નહીં બને," તેમણે આત્મવિશ્વાસથી કહ્યું.
તેમણે TMC અને ભાજપ વિરોધી તમામ પક્ષોને એક થવાની અપીલ કરી છે. તેઓ કોંગ્રેસ, ડાબેરી પક્ષો, ISF અને અન્ય સાથે ગઠબંધનની શક્યતા તપાસી રહ્યા છે, પરંતુ મમતા બેનર્જીની TMCને હટાવવાનો સ્પષ્ટ ઇરાદો દર્શાવ્યો છે.
બાબરી મસ્જિદ વિવાદનો પડઘો આ નવી પાર્ટીની પાછળ મુખ્ય કારણ છે મુર્શિદાબાદમાં બાબરી મસ્જિદ જેવી મસ્જિદનો શિલાન્યાસ. 6 ડિસેમ્બર 2025ના રોજ (અયોધ્યામાં બાબરી ધ્વંસની વર્ષગાંઠે) હુમાયુ કબીરે બેલડાંગામાં આ મસ્જિદનો પાયો નાખ્યો હતો. તેમણે વિવાદાસ્પદ નિવેદન આપ્યું કે, "જો અયોધ્યામાં બાબરી તોડી શકાય તો અમે અહીં ફરી બનાવી શકીએ." આનાથી રાજ્યમાં ભારે વિવાદ ઊભો થયો, અને TMCએ 4 ડિસેમ્બરે તેમને સસ્પેન્ડ કરી દીધા. આ પ્રોજેક્ટમાં હોસ્પિટલ, ગેસ્ટહાઉસ અને મીટિંગ હોલ પણ સામેલ છે. કબીરે કહ્યું કે મુસ્લિમ સમુદાયની આ પ્રતિબદ્ધતા છે અને તે પૂરી થશે. ભાજપે આને વોટબેંકની રાજનીતિ ગણાવી છે, જ્યારે TMCએ તેને પાર્ટી વિરોધી પગલું કહ્યું.
મુર્શિદાબાદથી શરૂ થયેલો નવો અધ્યાય મુર્શિદાબાદ (મુસ્લિમ બહુમતીવાળો વિસ્તાર)માંથી શરૂ થયેલી આ પાર્ટી માઇનોરિટી વોટર્સને એકત્ર કરવાનો પ્રયાસ કરી રહી છે. હુમાયુ કબીર પોતે ભરતપુર બેઠક પરથી ધારાસભ્ય છે અને હવે રેજીનગર અને બેલડાંગા પરથી પણ લડવાની તૈયારીમાં છે. સભામાં સઘન સુરક્ષા વ્યવસ્થા હેઠળ મોટી સંખ્યામાં લોકો ઉમટ્યા હતા.
પશ્ચિમ બંગાળની રાજનીતિમાં આ નવી પાર્ટી કેટલો અસર કરશે, તે 2026ની ચૂંટણી જ નક્કી કરશે. પરંતુ હુમાયુ કબીરની આ રાજકીય શરૂઆતે TMC અને ભાજપ બંનેને ચેતવણી આપી દીધી છે!
સજ્જાદ અલી નાયાણી✍
