સ્ટમ્પ પર બોલ અથડાયો, તો પણ આઉટ ન થયો સ્ટીવ સ્મિથ,ભારત અને ઓસ્ટ્રેલિયા વચ્ચે ચેમ્પિયન્સ ટ્રૉફી 2025ની પહેલી સેમિફાઈનલ મેચ રમાઈ રહી છે. દુબઈમાં રમાઈ રહેલા મુકાબલામાં એવું લાગી રહ્યું છે કે ઓસ્ટ્રેલિયાના બેટ્સમેનનું ભાગ્ય સાથ આપી રહ્યું છે. એવું એટલા માટે કહીએ છીએ કારણ કે, મેચ દરમિયાન એક ચોંકાવીદેનારી ઘટના જોવા મળી છે. જો કે, કાંગારૂ ટીમના કેપ્ટન સ્ટીવ સ્મિથ પ્લેડ ઑન થઈ ગયા હતા. અક્ષર પટેલ વિરૂદ્ધ 14મી ઓવરના છેલ્લા બોલ પર તેમને ડિફેન્સ કરવાનો પ્રયાસ કર્યો. પરંતુ બોલ પેડની ધારથી અથડાઈને સ્ટમ્પ પર વાગ્યો. આમ છતાં, તે આઉટ થતા બચી ગયો. ICCના નિયમને કારણે તેને આઉટ આપવામાં આવ્યો ન હતો.
સ્મિથને આઉટ કેમ ન આપવામાં આવ્યો? આ સવાલ તમને થતો હશે. ખરેખર, સ્મિથે બોલ રમ્યા પછી, તે ધીમે ધીમે ફર્યો અને ઓફ-સ્ટમ્પના બેઝ પર અથડાયો. અહીં સ્મિથને તેના નસીબે સાથ આપ્યો અને બેલ્સ ન પડી. આ કારણે સ્મિથને આઉટ આપવામાં આવ્યો ન હતો.
હવે ચાલો જાણીએ કે, ICCના નિયમો શું કહે છે. હકીકતમાં MCCના કાયદા 29 હેઠળ કોઈપણ બેટ્સમેનને આઉટ કરવા માટે સ્ટમ્પની ટોચ પરથી ઓછામાં ઓછી એક બેલ સંપૂર્ણપણે પડવી જરૂરી છે. જો આવું ન થાય તો ઓછામાં ઓછું એક થડ જમીન પરથી સંપૂર્ણપણે ઉખેડી નાખવું જોઈએ. તો જ બેટ્સમેનને આઉટ ગણવામાં આવશે. સ્મિથના વારો દરમિયાન આમાંથી કોઈ પણ ઘટના બની નહીં. એટલા માટે તે આઉટ થતા બચી ગયો.
